IIFYM (If It Fits My Macros)
IIFYM係一種好彈性既飲食方法：
只要計出你嘅tdee（每日總消耗量）後，因應翻你自己嘅目標（增肌或減脂）去設定營養素比例。網上面有好多網站可以好方便咁計出你嘅IIFYM比例，有興趣可以自行上網睇吓！
不論係想增肌或減脂嘅你，只要你攝取嘅食物係你設定嘅營養素目標包括碳水化合物、蛋白質以及脂肪既比例之內，你可以自由選擇你想食嘅食物。聽落係咪好吸引呢？
以下將會分析下IIFYM嘅優劣點。
✅彈性飲食
對食物種類無嚴格嘅規限，即係話就算喺控制飲食期間你想食乜都得！
✅較容易維持
因為冇嚴格嘅食物選擇規限，亦唔會影響朋友間日常聚餐。喺執行嘅時候無咁大壓力，較容易維持一段長時間嘅飲食控制，同維持朋友同家人之間嘅感情。
❎忽略微量營養素的吸收
焦點只係放喺三大營養素，會忽略到維生素、礦物質等等嘅吸收。長時間缺乏微量營養素可能會衍生出其他身體疾病。
❎可能會吸收過多的加工食品
無限制任何食物種類，會容易攝取過多嘅加工食品，影響埋免疫系統以及腸道健康。
❎放肆飲食
會衍生出「只要營養素啱就乜都食得」嘅觀念，導致日常飲食原形食物同加工食品比例失衡，最終會影響身體健康。
外國有人淨係食雪糕食足100日減咗14.5kg、亦有人連續兩個月每日淨係食垃圾食物減走12kg。看似只要做到熱量赤字就可以我輕鬆瘦身。但係佢哋成功減磅嘅同時亦都對身體帶嚟好大負擔。
無論係增肌定減脂我哋都係想自己個身型好睇啲，個人健康啲。所以點樣去執行IIFYM其實都好重要。如果你啱啱先開始接觸營養素，想從管理飲食入手去改變自己嘅身形，IIFYM不妨為一個唔錯嘅選擇！
圖文：Henice
#kofgym #iifym #diet #nutrition #健身 #飲食管理 #營養素 #食乜都得
Search